subh se sham tak rahe sae

sub.h se shaam tak rahe saa.e

phir achānak hī kho ga.e saa.e

zindagī kā sulūk kaisā hai

ik muhājir se pūchhte saa.e

zindagī ke hisāb meñ gum haiñ

bār-e-hastī se hāñpte saa.e

merī tanhā.iyoñ ke sho.aloñ meñ

niiñd se ḳhvāb tak jale saa.e

kaisī chandan ke paas ḳhushbū hai

saañp jaise haiñ reñgte saa.e

jhiil meñ dil kī yaad ke patthar

dā.era ban ke phailte saa.e

ye tashaddud kī ḳhaufnāk havā

jism-o-jāñ kyā haiñ kāñpte saa.e

subh se sham tak rahe sae

phir achanak hi kho gae sae

zindagi ka suluk kaisa hai

ek muhajir se puchhte sae

zindagi ke hisab mein gum hain

bar-e-hasti se hanpte sae

meri tanhaiyon ke shoalon mein

nind se KHwab tak jale sae

kaisi chandan ke pas KHushbu hai

sanp jaise hain rengte sae

jhil mein dil ki yaad ke patthar

daera ban ke phailte sae

ye tashaddud ki KHaufnak hawa

jism-o-jaan kya hain kanpte sae