sukh chain ho ki dard ye meri zamin hai

sukh chain ho ki dard ye merī zamīn hai

maiñ huuñ yahīñ kā fard ye merī zamīn hai

jab dekhtā huuñ garmī-e-taḳhrīb har taraf

bhartā huuñ āh-e-sard ye merī zamīn hai

ġhārat-garoñ ne sabza-o-gul ḳhaak kar diye

dekho ye uḌtī gard ye merī zamīn hai

ai rabb-e-amn kaun batā.e mujhe ki kyoñ

maidāñ pa-e-nabard ye merī zamīn hai

vo terā āsmāñ hai mah-o-mehr surḳh-rū

phūloñ ke rang zard ye merī zamīn hai

koh-e-sitam se tere ziyāda hai sanglāḳh

īzā-pasand mard ye merī zamīn hai

sayyārgāñ haiñ laakh sar-e-āsmān-e-sher

aa.eñ ġhazal-navard ye merī zamīn hai

sukh chain ho ki dard ye meri zamin hai

main hun yahin ka fard ye meri zamin hai

jab dekhta hun garmi-e-taKHrib har taraf

bharta hun aah-e-sard ye meri zamin hai

ghaarat-garon ne sabza-o-gul KHak kar diye

dekho ye uDti gard ye meri zamin hai

ai rabb-e-amn kaun batae mujhe ki kyon

maidan pa-e-nabard ye meri zamin hai

wo tera aasman hai mah-o-mehr surKH-ru

phulon ke rang zard ye meri zamin hai

koh-e-sitam se tere ziyaada hai sanglaKH

iza-pasand mard ye meri zamin hai

sayyargan hain lakh sar-e-asman-e-sher

aaen ghazal-naward ye meri zamin hai