sukun-e-qalb hai mujh par haram wajd mein hun

sukūn-e-qalb hai mujh par harām vajd meñ huuñ

bhulā chukā huuñ ḳhud apnā bhī naam vajd meñ huuñ

maiñ ho chukā huuñ rumūz-e-hayāt se vāqif

ab apne kaam se rakhtā huuñ kaam vajd meñ huuñ

mohabbatoñ meñ bahut ḳharch kar chukā ḳhud ko

huuñ jis qadar bhī maiñ baaqī tamām vajd meñ huuñ

talāsh-e-zāt meñ gum ho ga.ī hai merī nazar

nahīñ kisī se duā-o-salām vajd meñ huuñ

nahīñ hai apnī ḳhabar kyā kisī kī fikr karūñ

safīr-e-ishq huuñ maiñ sub.h-o-shām vajd meñ huuñ

bahut tavīl hai merā safar magar phir bhī

thakā nahīñ huuñ maiñ har ek gaam vajd meñ huuñ

sukun-e-qalb hai mujh par haram wajd mein hun

bhula chuka hun KHud apna bhi nam wajd mein hun

main ho chuka hun rumuz-e-hayat se waqif

ab apne kaam se rakhta hun kaam wajd mein hun

mohabbaton mein bahut KHarch kar chuka KHud ko

hun jis qadar bhi main baqi tamam wajd mein hun

talash-e-zat mein gum ho gai hai meri nazar

nahin kisi se dua-o-salam wajd mein hun

nahin hai apni KHabar kya kisi ki fikr karun

safir-e-ishq hun main subh-o-sham wajd mein hun

bahut tawil hai mera safar magar phir bhi

thaka nahin hun main har ek gam wajd mein hun