sukun ko chhoD ke gham be-hisab lata hun

sukūñ ko chhoḌ ke ġham be-hisāb laatā huuñ

suhāne ḳhvāb bhī saare ḳharāb laatā huuñ

jo tum ne toḌe purāne the saare ke saare

zarā ruko nayā koī maiñ ḳhvāb laatā huuñ

makān nahr kināre tumheñ mubārak ho

maiñ kam sahī magar aap apnā aab laatā huuñ

vo bole mujh se mohabbat gunāh thī so maiñ

unheñ luTāne ko apne savāb laatā huuñ

kahānī mujh ko sunāo na aur logoñ kī

maiñ apne vāste apnī kitāb laatā huuñ

tumhāre har gile kā har savāl kā 'sālim'

tū mere dil se gar utre javāb laatā huuñ

sukun ko chhoD ke gham be-hisab lata hun

suhane KHwab bhi sare KHarab lata hun

jo tum ne toDe purane the sare ke sare

zara ruko naya koi main KHwab lata hun

makan nahr kinare tumhein mubarak ho

main kam sahi magar aap apna aab lata hun

wo bole mujh se mohabbat gunah thi so main

unhen luTane ko apne sawab lata hun

kahani mujh ko sunao na aur logon ki

main apne waste apni kitab lata hun

tumhaare har gile ka har sawal ka 'salim'

tu mere dil se gar utre jawab lata hun