sukun nahin hai mohabbat mein baat baat ke baad

sukūñ nahīñ hai mohabbat meñ baat baat ke baad

vo kis libās meñ aate haiñ iltifāt ke baad

na ruḳh pe ġhāza-e-gulgūñ na maañg meñ taare

jamāl-e-sādgī-e-husn hai sifāt ke baad

ajab nahīñ mujhe mil jaa.e munsif-e-mansūr

laboñ tak aa ke rukī hai us ek baat ke baad

faroġh-e-jām se ik sub.h-e-mustaqil māñgo

sahar mile na agar mai-kade meñ raat ke baad

kalī ko dekh ke sarshār ḳhvāb kyā guzrī

nasīm-e-sub.h jagāne jo aa.ī raat ke baad

dar-e-shabistāñ pe 'mānī' kisī ne dastak dī

hayāt le ke farā.ez vo aa.ī raat ke baad

sukun nahin hai mohabbat mein baat baat ke baad

wo kis libas mein aate hain iltifat ke baad

na ruKH pe ghaza-e-gulgun na mang mein tare

jamal-e-sadgi-e-husn hai sifat ke baad

ajab nahin mujhe mil jae munsif-e-mansur

labon tak aa ke ruki hai us ek baat ke baad

farogh-e-jam se ek subh-e-mustaqil mango

sahar mile na agar mai-kade mein raat ke baad

kali ko dekh ke sarshaar KHwab kya guzri

nasim-e-subh jagane jo aai raat ke baad

dar-e-shabistan pe 'mani' kisi ne dastak di

hayat le ke faraez wo aai raat ke baad