sukun-o-sabr luTa hosh ka KHazana gaya

sukūn-o-sabr luTā hosh kā ḳhazāna gayā

tumhīñ batāo ḳhudārā ki merā kyā na gayā

girā.ī barq-e-nazar-soz bārhā lekin

mazāq-e-dīd hamārā shikast khā na gayā

ḳhudā kī zaat pe insāñ ne kar diye hamle

fareb-e-aql se jab aap meñ rahā na gayā

hamāre zauq-e-nazar ne to ḳhuub kaam kiyā

chhupe hazār tarah vo magar chhupā na gayā

tamām umr jalāyā charāġh-e-dil maiñ ne

shab-e-siyāh kā lekin ye silsila na gayā

ḳhulūs-e-dil meñ hī 'anjum' kamī rahī hogī

ki vo qarīb rahe phir bhī fāsla na gayā

sukun-o-sabr luTa hosh ka KHazana gaya

tumhin batao KHudara ki mera kya na gaya

girai barq-e-nazar-soz barha lekin

mazaq-e-did hamara shikast kha na gaya

KHuda ki zat pe insan ne kar diye hamle

fareb-e-aql se jab aap mein raha na gaya

hamare zauq-e-nazar ne to KHub kaam kiya

chhupe hazar tarah wo magar chhupa na gaya

tamam umr jalaya charagh-e-dil main ne

shab-e-siyah ka lekin ye silsila na gaya

KHulus-e-dil mein hi 'anjum' kami rahi hogi

ki wo qarib rahe phir bhi fasla na gaya