sukut baDhne laga hai sada zaruri hai
sukūt baḌhne lagā hai sadā zarūrī hai
ki jaise habs meñ taaza havā zarūrī hai
phir us ke baad har ik faisla sar āñkhoñ par
magar gavāh kā sach bolnā zarūrī hai
bahut qarīb se kuchh bhī na dekh pāoge
ki dekhne ke liye fāsla zarūrī hai
tum apne baare meñ mujh se bhī pūchh sakte ho
ye tum se kis ne kahā aa.ina zarūrī hai
gurez-pā.ī ke mausam ajiib hote haiñ
safar meñ koī mizāj-āshnā zarūrī hai
havāla maañg rahā hai mirī mohabbat kā
jo 'fauz' mujh se ye kahtā thā kyā zarūrī hai
sukut baDhne laga hai sada zaruri hai
ki jaise habs mein taza hawa zaruri hai
phir us ke baad har ek faisla sar aankhon par
magar gawah ka sach bolna zaruri hai
bahut qarib se kuchh bhi na dekh paoge
ki dekhne ke liye fasla zaruri hai
tum apne bare mein mujh se bhi puchh sakte ho
ye tum se kis ne kaha aaina zaruri hai
gurez-pai ke mausam ajib hote hain
safar mein koi mizaj-ashna zaruri hai
hawala mang raha hai meri mohabbat ka
jo 'fauz' mujh se ye kahta tha kya zaruri hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
