sukut kab se lab-e-shauq par hai kya kahiye

sukūt kab se lab-e-shauq par hai kyā kahiye

ki dushman apnā hī zauq-e-nazar hai kyā kahiye

ye kis ke ġham meñ ravāñ chashm-e-tar hai kyā kahiye

har ashk daulat-e-barq-o-sharar hai kyā kahiye

ġham-e-ma.āl-e-mohabbat are ma.āz-allāh

charāġh-e-shām ko ḳhauf-e-sahar hai kyā kahiye

sañvar to jaa.eñ zamāne ke pech-o-ḳham lekin

phirī phirī sī tumhārī nazar hai kyā kahiye

diyā gayā jise rañgīnī-e-bahār kā naam

ye sab hamārā hī ḳhūn-e-jigar hai kyā kahiye

tirī nigāh ki hai chāra-sāz aalam kī

hamāre vāste kyoñ neshtar hai kyā kahiye

chaman meñ apnā nasheman kise aziiz nahīñ

kahe jo barq ki ye apnā ghar hai kyā kahiye

har ek saañs hai gum zindagī kī manzil meñ

ḳhamosh yuuñ haiñ ki rāh-e-safar hai kyā kahiye

khulegī aañkh koī din meñ ham-safīroñ kī

na.ī na.ī havas-e-bāl-o-par hai kyā kahiye

samajh rahī hai hameñ us kā ham-nashīñ duniyā

vo ham se duur magar kis qadar hai kyā kahiye

dayār-e-dil se to ab tak nikal rahā hai dhuāñ

nigāh-e-nāz kā ruḳh ab kidhar hai kyā kahiye

tumhāre zauq ko har roz taaza afsāne

zabān-e-ishq yahāñ muḳhtasar hai kyā kahiye

sukut kab se lab-e-shauq par hai kya kahiye

ki dushman apna hi zauq-e-nazar hai kya kahiye

ye kis ke gham mein rawan chashm-e-tar hai kya kahiye

har ashk daulat-e-barq-o-sharar hai kya kahiye

gham-e-maal-e-mohabbat are maaz-allah

charagh-e-sham ko KHauf-e-sahar hai kya kahiye

sanwar to jaen zamane ke pech-o-KHam lekin

phiri phiri si tumhaari nazar hai kya kahiye

diya gaya jise rangini-e-bahaar ka nam

ye sab hamara hi KHun-e-jigar hai kya kahiye

teri nigah ki hai chaara-saz aalam ki

hamare waste kyon neshtar hai kya kahiye

chaman mein apna nasheman kise aziz nahin

kahe jo barq ki ye apna ghar hai kya kahiye

har ek sans hai gum zindagi ki manzil mein

KHamosh yun hain ki rah-e-safar hai kya kahiye

khulegi aankh koi din mein ham-safiron ki

nai nai hawas-e-baal-o-par hai kya kahiye

samajh rahi hai hamein us ka ham-nashin duniya

wo hum se dur magar kis qadar hai kya kahiye

dayar-e-dil se to ab tak nikal raha hai dhuan

nigah-e-naz ka ruKH ab kidhar hai kya kahiye

tumhaare zauq ko har roz taza afsane

zaban-e-ishq yahan muKHtasar hai kya kahiye