sulagne rakh ho jaane ka Dar kyun lag raha hai

sulagne raakh ho jaane kā Dar kyuuñ lag rahā hai

dahaktī aag sā gardan pe sar kyuuñ lag rahā hai

lahū se ābyārī karne vaalo kuchh to socho

ye saarā baaġh be-barg-o-samar kyuuñ lag rahā hai

parind-e-fikr par haiñ saḳht kyuuñ us kī uḌāneñ

musāfir aaj be-samt-o-safar kyuuñ lag rahā hai

ye kis ḳhvāhish kā madd-o-jazr haiñ merī nigāheñ

mujhe saarā samundar ik bhañvar kyuuñ lag rahā hai

abhī raushan haiñ kuchh naqsh-o-nigār-e-ḳhud-farebī

mahal us kī rifāqat kā khañDar kyuuñ lag rahā hai

mujhe kis mauj meñ laayā hai istiġhrāq merā

maiñ jis qatre ko chhūtā huuñ guhar kyuuñ lag rahā hai

maiñ huuñ us paar ubharte Dūbte manzar meñ jaise

idhar jo hone vaalā thā udhar kyuuñ lag rahā hai

sulagne rakh ho jaane ka Dar kyun lag raha hai

dahakti aag sa gardan pe sar kyun lag raha hai

lahu se aabyari karne walo kuchh to socho

ye sara bagh be-barg-o-samar kyun lag raha hai

parind-e-fikr par hain saKHt kyun us ki uDanen

musafir aaj be-samt-o-safar kyun lag raha hai

ye kis KHwahish ka madd-o-jazr hain meri nigahen

mujhe sara samundar ek bhanwar kyun lag raha hai

abhi raushan hain kuchh naqsh-o-nigar-e-KHud-farebi

mahal us ki rifaqat ka khanDar kyun lag raha hai

mujhe kis mauj mein laya hai istighraq mera

main jis qatre ko chhuta hun guhar kyun lag raha hai

main hun us par ubharte Dubte manzar mein jaise

idhar jo hone wala tha udhar kyun lag raha hai