sulagte dasht ka manzar hui hain
sulagte dasht kā manzar huī haiñ
ye āñkheñ hijr meñ banjar huī haiñ
tumhārī aarzū ko mil gayā ghar
hamārī hasrateñ be-ghar huī haiñ
mohabbat meñ taḌap aaheñ aziyyat
ye sab dushvāriyāñ aksar huī hai
nigāhoñ meñ koī tasvīr ubhrī
ye āñkheñ āñsuoñ se tar huī haiñ
nahīñ maiñ vo nahīñ aise na dekho
bahut tabdīliyāñ andar huī hai
sitāroñ par khule haiñ raaz dil ke
tirī bāteñ hī bas shab-bhar huī haiñ
siyā māyūs bebas ḳhvāhisheñ kuchh
mire apne lahū se tar huī haiñ
sulagte dasht ka manzar hui hain
ye aankhen hijr mein banjar hui hain
tumhaari aarzu ko mil gaya ghar
hamari hasraten be-ghar hui hain
mohabbat mein taDap aahen aziyyat
ye sab dushwariyan aksar hui hai
nigahon mein koi taswir ubhri
ye aankhen aansuon se tar hui hain
nahin main wo nahin aise na dekho
bahut tabdiliyan andar hui hai
sitaron par khule hain raaz dil ke
teri baaten hi bas shab-bhar hui hain
siya mayus bebas KHwahishen kuchh
mere apne lahu se tar hui hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
