sulagti dhup mein har saeban de chuka hun

sulagtī dhuup meñ har sā.ebān de chukā huuñ

maiñ is zamīñ ko ka.ī āsmān de chukā huuñ

vo tere ishq kā ho yā tirī judā.ī kā

isī hayāt meñ sab imtihān de chukā huuñ

tū dil-nashīñ hai vafādār hai zahīn bhī hai

magar maiñ aur kisī ko zabān de chukā huuñ

mirī zabān pe taalā lagāne vaale suneñ

maiñ apnī āñkhoñ se apnā bayān de chukā huuñ

vo aadmī mujhe bechainiyāñ pilā rahā hai

jise sukhoñ kā maiñ saarā jahān de chukā huuñ

mire vajūd ko miTTī kī shakl dī jis ne

ye miTTī maiñ usī miTTī ko daan de chukā huuñ

mujhe bhulā.eñge vo 'faiz' kis tarah āḳhir

vo jin laboñ ko maiñ apne nishān de chukā huuñ

sulagti dhup mein har saeban de chuka hun

main is zamin ko kai aasman de chuka hun

wo tere ishq ka ho ya teri judai ka

isi hayat mein sab imtihan de chuka hun

tu dil-nashin hai wafadar hai zahin bhi hai

magar main aur kisi ko zaban de chuka hun

meri zaban pe tala lagane wale sunen

main apni aankhon se apna bayan de chuka hun

wo aadmi mujhe bechainiyan pila raha hai

jise sukhon ka main sara jahan de chuka hun

mere wajud ko miTTi ki shakl di jis ne

ye miTTi main usi miTTi ko dan de chuka hun

mujhe bhulaenge wo 'faiz' kis tarah aaKHir

wo jin labon ko main apne nishan de chuka hun