sun sunata hun ek kahani sun

sun sunātā huuñ ik kahānī sun

de ga.ī jul mujhe javānī sun

hai ridā tere paas to de de

sar barahna hai zindagānī sun

mausam-e-gul meñ dekh jaltā chaman

andalīboñ kī nauha-ḳhvānī sun

shahr kā haal in dinoñ kyā hai

mere har zaḳhm kī zabānī sun

sansanī-ḳhez sansanāhaT meñ

sun havāoñ kī ḳhush-bayānī sun

ḳhaar se gul se sabz mausam kī

dāstān-e-sharar-fishānī sun

ātishīñ kah rahā hai apne ko

chaḌhte dariyā kī lan-tarānī sun

zindagī ban ga.ī hai sanyāsan

ye ḳhabar hai bahut purānī sun

tabsira ahd pe sunātā hai

merī chhat se Tapaktā paanī sun

sun sunata hun ek kahani sun

de gai jul mujhe jawani sun

hai rida tere pas to de de

sar barahna hai zindagani sun

mausam-e-gul mein dekh jalta chaman

andalibon ki nauha-KHwani sun

shahr ka haal in dinon kya hai

mere har zaKHm ki zabani sun

sansani-KHez sansanahaT mein

sun hawaon ki KHush-bayani sun

KHar se gul se sabz mausam ki

dastan-e-sharar-fishani sun

aatishin kah raha hai apne ko

chaDhte dariya ki lan-tarani sun

zindagi ban gai hai sanyasan

ye KHabar hai bahut purani sun

tabsira ahd pe sunata hai

meri chhat se Tapakta pani sun