sun to sahi shikastagi jis mein bala ki hai

sun to sahī shikastagī jis meñ balā kī hai

vo bāzgasht saarī to apnī sadā kī hai

kis kis ke dil chaman meñ lahū-rang haiñ gulāb

kis kis kī ḳhaak meñ abhī ḳhushbū vafā kī hai

ye bhāg-dauḌ saarī ye hangām-e-sub.h-o-shām

ye jang jis qadar hai vo apnī baqā kī hai

dushman kī hai 'atā mirā zaḳhmoñ kā pairahan

ye ruuh par jo choT hai dast-e-vafā kī hai

mauqa' milā to vaar karegī ye bād-e-tund

jaltā huā diyā jo 'alāmat ziyā kī hai

ye kaun hai jo dard pe mere hai muztarib

laayā ye kaun habs meñ ThanDak havā kī hai

sun to sahi shikastagi jis mein bala ki hai

wo bazgasht sari to apni sada ki hai

kis kis ke dil chaman mein lahu-rang hain gulab

kis kis ki KHak mein abhi KHushbu wafa ki hai

ye bhag-dauD sari ye hangam-e-subh-o-sham

ye jang jis qadar hai wo apni baqa ki hai

dushman ki hai 'ata mera zaKHmon ka pairahan

ye ruh par jo choT hai dast-e-wafa ki hai

mauqa' mila to war karegi ye baad-e-tund

jalta hua diya jo 'alamat ziya ki hai

ye kaun hai jo dard pe mere hai muztarib

laya ye kaun habs mein ThanDak hawa ki hai