suna tu ai baghban haal-e-tabiat-e-gul

sunā tū ai bāġhbān hāl-e-tabī.at-e-gul

na jaane kyoñ aaj mātamī hai navā-e-bulbul

ye Thiik hai aadmī meñ thoḌā rahe tavakkul

magar usī ke sahāre zinda rahe na bilkul

charāġh kab tak yahāñ jalegā ye kaun jaane

havā kī raftār tai karegī jale ki ho gul

maiñ jā.ūñ kyūñkar nikal ke sehra se rāh-e-gulshan

na ālam-e-rang bhaa.e mujh ko na nik.hat-e-gul

tulūa hogī sahar dahān-e-falak se āḳhir

vagarna tārīkī hī azal se rahī tasalsul

ye bā.is-e-be-ruḳhī jo 'nāqid' samajh meñ aaya

vo ḳhair-andeshī hī thī maanā jise taġhāful

suna tu ai baghban haal-e-tabiat-e-gul

na jaane kyon aaj matami hai nawa-e-bulbul

ye Thik hai aadmi mein thoDa rahe tawakkul

magar usi ke sahaare zinda rahe na bilkul

charagh kab tak yahan jalega ye kaun jaane

hawa ki raftar tai karegi jale ki ho gul

main jaun kyunkar nikal ke sehra se rah-e-gulshan

na aalam-e-rang bhae mujh ko na nikhat-e-gul

tulua hogi sahar dahan-e-falak se aaKHir

wagarna tariki hi azal se rahi tasalsul

ye bais-e-be-ruKHi jo 'naqid' samajh mein aaya

wo KHair-andeshi hi thi mana jise taghaful