sunate rahiye hikayat jagte rahiye

sunāte rahiye hikāyāt jāgte rahiye

bahut muhīb sahī raat jāgte rahiye

agar ḳharāb haiñ hālāt jāgte rahiye

ki ye hai vaqt-e-karāmāt jāgte rahiye

ye faisle kī ghaḌī hai Thahar bhī jā.iye aap

isī tarah se mire saat jāgte rahiye

durust kījiye qibla durust kījiye kaam

durust rakhiye hisābāt jāgte rahiye

vo sub.h jis ke liye raat bhar na so.e the

huī to dekhā ki thī raat jāgte rahiye

talāsh-e-sub.h meñ apnā nishāñ miTā Daalā

aur ab bhaTakte haiñ din-rāt jāgte rahiye

bahut aziiz thī ġhaflat jo hosh aa hī gayā

yahī hai us kī mukāfāt jāgte rahiye

hazār ġhalba-e-shab ho thakan ho niiñd aa.e

abhī bahut haiñ muhimmāt jāgte rahiye

har ik savāl pe chaliye ye ḳhāmushī hī sahī

bahut haiñ mere savālāt jāgte rahiye

vo charḳh-e-zāt se utreñ to āsmān baneñ

khule haiñ saare samāvāt jāgte rahiye

adhūrī bāteñ na uljheñgī phir nigāhoñ se

mudām rakhiye ināyāt jāgte rahiye

nigāh lauTī to ḳhvābīda zehn jaag uThā

hue haiñ paidā kināyāt jāgte rahiye

vo ḳhaas baat jo mansūb aap se hai huzūr

usī se nikle na.ī baat jāgte rahiye

sunate rahiye hikayat jagte rahiye

bahut muhib sahi raat jagte rahiye

agar KHarab hain haalat jagte rahiye

ki ye hai waqt-e-karamat jagte rahiye

ye faisle ki ghaDi hai Thahar bhi jaiye aap

isi tarah se mere sat jagte rahiye

durust kijiye qibla durust kijiye kaam

durust rakhiye hisabaat jagte rahiye

wo subh jis ke liye raat bhar na soe the

hui to dekha ki thi raat jagte rahiye

talash-e-subh mein apna nishan miTa Dala

aur ab bhaTakte hain din-raat jagte rahiye

bahut aziz thi ghaflat jo hosh aa hi gaya

yahi hai us ki mukafat jagte rahiye

hazar ghalba-e-shab ho thakan ho nind aae

abhi bahut hain muhimmat jagte rahiye

har ek sawal pe chaliye ye KHamushi hi sahi

bahut hain mere sawalat jagte rahiye

wo charKH-e-zat se utren to aasman banen

khule hain sare samawat jagte rahiye

adhuri baaten na uljhengi phir nigahon se

mudam rakhiye inayat jagte rahiye

nigah lauTi to KHwabida zehn jag uTha

hue hain paida kinayat jagte rahiye

wo KHas baat jo mansub aap se hai huzur

usi se nikle nai baat jagte rahiye