sunahra hi sunahra wada-e-farda raha hoga

sunahrā hī sunahrā vāda-e-fardā rahā hogā

qayās-ārā.ī kā be-sāḳhta lamha rahā hogā

samundar meñ chune motī na tāroñ kā jahāñ dekhā

zarūr schōl meñ taḳh.īl par pahra rahā hogā

kahā thā jis ne tum se haañ maiñ tum se pyaar kartā huuñ

mire andar chhupā ik be-dhaḌak laḌkā rahā hogā

maiñ ab bhī Darte Darte apne haq kī baat kartā huuñ

mirī ta.alīm meñ Dar kā baḌā hissa rahā hogā

tumhārī bazm se ġhusse meñ uTh ke aa gayā thā maiñ

na jaane ba.ad meñ kis qism kā charchā rahā hogā

gayā hai chhoḌ kar mahfil kuchh itnī be-dilī se vo

ki bāhar bhiiḌ meñ bhī vāqa.ī tanhā rahā hogā

vo jis ne mujh ko registān meñ paanī pilāyā thā

mujhe lagtā hai ḳhud vo mehrbāñ pyāsā rahā hogā

sunahra hi sunahra wada-e-farda raha hoga

qayas-arai ka be-saKHta lamha raha hoga

samundar mein chune moti na taron ka jahan dekha

zarur school mein taKHil par pahra raha hoga

kaha tha jis ne tum se han main tum se pyar karta hun

mere andar chhupa ek be-dhaDak laDka raha hoga

main ab bhi Darte Darte apne haq ki baat karta hun

meri talim mein Dar ka baDa hissa raha hoga

tumhaari bazm se ghusse mein uTh ke aa gaya tha main

na jaane baad mein kis qism ka charcha raha hoga

gaya hai chhoD kar mahfil kuchh itni be-dili se wo

ki bahar bhiD mein bhi waqai tanha raha hoga

wo jis ne mujh ko registan mein pani pilaya tha

mujhe lagta hai KHud wo mehrban pyasa raha hoga