sune to sara jahan jurat-e-nawa hi nahin

sune to saarā jahāñ jur.at-e-navā hī nahīñ

falak ko chīrne vaalī koī sadā hī nahīñ

tabīb-e-ishq ke dā've tamām jhūTe haiñ

kisī marīz par ab tak asar huā hī nahīñ

usī ke hukm se hote haiñ duur ranj-o-alam

to yā'nī ḳhāliq-e-kaunain kī razā hī nahīñ

ham us kī ek nazar se faqat sañvar jaa.eñ

magar vo ḳhāna-ḳharāboñ ko dekhtā hī nahīñ

shikāyateñ to ta'alluq ke dam pe hotī haiñ

phir un se kaisā gila jin se vāsta hī nahīñ

ḳhushī ke vaqt sabhī de ga.e mubārakbād

shadīd ġham meñ koī shaḳhs pūchhtā hī nahīñ

lagī hai zarb yaqīnan bahut shadīd us par

ye shīsha itnī suhūlat se TūTtā hī nahīñ

sune to sara jahan jurat-e-nawa hi nahin

falak ko chirne wali koi sada hi nahin

tabib-e-ishq ke da'we tamam jhuTe hain

kisi mariz par ab tak asar hua hi nahin

usi ke hukm se hote hain dur ranj-o-alam

to ya'ni KHaliq-e-kaunain ki raza hi nahin

hum us ki ek nazar se faqat sanwar jaen

magar wo KHana-KHarabon ko dekhta hi nahin

shikayaten to ta'alluq ke dam pe hoti hain

phir un se kaisa gila jin se wasta hi nahin

KHushi ke waqt sabhi de gae mubarakbaad

shadid gham mein koi shaKHs puchhta hi nahin

lagi hai zarb yaqinan bahut shadid us par

ye shisha itni suhulat se TuTta hi nahin