suni hai tumne kabhi guftugu parindon ki

sunī hai tum ne kabhī guftugū parindoñ kī

chaman se hai juḌī har justujū parindoñ kī

kaTe daraḳht ke nazdīk baiThe haiñ māyūs

kisī ne luuT lī hai aabrū parindoñ kī

mile jo vaqt kabhī baat karnā bachchoñ se

zabāñ ye bolte haiñ hū-bahū parindoñ kī

kisī bhī peḌ se pūchho tumheñ batā.egā

har ek shāḳh ko hai aarzū parindoñ kī

koī parind idhar ab nazar nahīñ aatā

Tañgī haiñ lāsheñ yahāñ kū-bakū parindoñ kī

khulī fazā meñ ye parvāz chāhte haiñ bas

'nafīs' aur nahīñ aarzū parindoñ kī

suni hai tum ne kabhi guftugu parindon ki

chaman se hai juDi har justuju parindon ki

kaTe daraKHt ke nazdik baiThe hain mayus

kisi ne luT li hai aabru parindon ki

mile jo waqt kabhi baat karna bachchon se

zaban ye bolte hain hu-bahu parindon ki

kisi bhi peD se puchho tumhein bataega

har ek shaKH ko hai aarzu parindon ki

koi parind idhar ab nazar nahin aata

Tangi hain lashen yahan ku-baku parindon ki

khuli faza mein ye parwaz chahte hain bas

'nafis' aur nahin aarzu parindon ki