suno kuchh dida-e-nam bolte hain

suno kuchh dīda-e-nam bolte haiñ

jo chup the aaj vo ġham bolte haiñ

kaho sāñsoñ meñ hai āvāz kis kī

ye tum kahte ho yā ham bolte haiñ

tumhāre husn kī ḳhushbū guloñ meñ

tumhārā naam mausam bolte haiñ

kisī kī bhī kabhī sunte nahīñ vo

magar un se kaho ham bolte haiñ

tumhārā raag ghuñgrū ke laboñ par

tumhāre hoñT sargam bolte haiñ

tumhāre husn kā jaadū hai kitnā

tumhārī zulf ke ḳham bolte haiñ

vo dekhā hai tumhārī chashm-e-nam meñ

jise ham sāġhar-e-jam bolte haiñ

use ham ne kahīñ dekhā nahīñ hai

jise ahbāb hamdam bolte haiñ

har ik suntā hai un kī baat 'asġhar'

jo sunte haiñ bahut kam bolte haiñ

suno kuchh dida-e-nam bolte hain

jo chup the aaj wo gham bolte hain

kaho sanson mein hai aawaz kis ki

ye tum kahte ho ya hum bolte hain

tumhaare husn ki KHushbu gulon mein

tumhaara nam mausam bolte hain

kisi ki bhi kabhi sunte nahin wo

magar un se kaho hum bolte hain

tumhaara rag ghungru ke labon par

tumhaare honT sargam bolte hain

tumhaare husn ka jadu hai kitna

tumhaari zulf ke KHam bolte hain

wo dekha hai tumhaari chashm-e-nam mein

jise hum saghar-e-jam bolte hain

use hum ne kahin dekha nahin hai

jise ahbab hamdam bolte hain

har ek sunta hai un ki baat 'asghar'

jo sunte hain bahut kam bolte hain