sunta jo hai koi mere ghuncha-dahan ki baat

suntā jo hai koī mire ġhuncha-dahan kī baat

bhātī nahīñ hai us ko kisī gul-badan kī baat

har shaḳhs kī zabāñ pe tirā zikr-e-ḳhair hai

ḳhālī nahīñ hai tujh se kisī mard-o-zan kī baat

ġhurbat meñ apnā haal kahūñ kyā maiñ dosto

dil TūTtā hai suntā huuñ jab maiñ vatan kī baat

dasht-e-junūñ meñ phir hameñ le chal tū ai junūñ

phir vahshiyoñ ke saath ho dīvāna-pan kī baat

jām-e-sharāb-e-nāb to bālā-e-tāq hai

kartī hai mast sāqī-e-gul-gūñ-badan kī baat

va.ade visāl ke to hazāroñ guzar ga.e

ab kaun maane us but-e-paimāñ-shikan kī baat

sunte haiñ un kī kākul-e-mushkīñ ke vasf meñ

ham gosh-e-dil se ahl-e-ḳhatā-o-ḳhutan kī baat

sunta jo hai koi mere ghuncha-dahan ki baat

bhati nahin hai us ko kisi gul-badan ki baat

har shaKHs ki zaban pe tera zikr-e-KHair hai

KHali nahin hai tujh se kisi mard-o-zan ki baat

ghurbat mein apna haal kahun kya main dosto

dil TuTta hai sunta hun jab main watan ki baat

dasht-e-junun mein phir hamein le chal tu ai junun

phir wahshiyon ke sath ho diwana-pan ki baat

jam-e-sharab-e-nab to baala-e-taq hai

karti hai mast saqi-e-gul-gun-badan ki baat

wade visal ke to hazaron guzar gae

ab kaun mane us but-e-paiman-shikan ki baat

sunte hain un ki kakul-e-mushkin ke wasf mein

hum gosh-e-dil se ahl-e-KHata-o-KHutan ki baat