suragh-e-jaan-e-jaan hai aur main hun

surāġh-e-jān-e-jāñ hai aur maiñ huuñ

talāsh-e-lā-makāñ hai aur maiñ huuñ

zamīñ hai āsmāñ hai aur maiñ huuñ

nishān-e-kun-fakāñ hai aur maiñ huuñ

yaqīñ kā imtihāñ hai aur maiñ huuñ

gumānoñ par gumāñ hai aur maiñ huuñ

jahān-e-fikr ho yā bazm-e-ījād

vahī kab aur kahāñ hai aur maiñ huuñ

ḳhud apne 'ijz meñ mahsūr huuñ maiñ

ki daur-e-be-karāñ hai aur maiñ huuñ

ḳhudī shāyad hai ḳhud ik ḳhvāb-e-hastī

fusūñ afsāna-ḳhvāñ hai aur maiñ huuñ

junūñ begāna-e-ādāb-e-tamkīñ

ḳhirad kā pāsbāñ hai aur maiñ huuñ

mirī hastī hai nai hāsil hai naala

fuġhāñ andar fuġhāñ hai aur maiñ huuñ

madad ai mīr-e-mardān-e-vilāyat

ki gard-e-kārvāñ hai aur maiñ huuñ

pur-az-harf-o-hikāyat sohbat-e-dil

mirā ik ham-zabāñ hai aur maiñ huuñ

abhī hai hasti-e-mauhūm 'shabbīr'

abhī sūd-o-ziyāñ hai aur maiñ huuñ

suragh-e-jaan-e-jaan hai aur main hun

talash-e-la-makan hai aur main hun

zamin hai aasman hai aur main hun

nishan-e-kun-fakan hai aur main hun

yaqin ka imtihan hai aur main hun

gumanon par guman hai aur main hun

jahan-e-fikr ho ya bazm-e-ijad

wahi kab aur kahan hai aur main hun

KHud apne 'ijz mein mahsur hun main

ki daur-e-be-karan hai aur main hun

KHudi shayad hai KHud ek KHwab-e-hasti

fusun afsana-KHwan hai aur main hun

junun begana-e-adab-e-tamkin

KHirad ka pasban hai aur main hun

meri hasti hai nai hasil hai nala

fughan andar fughan hai aur main hun

madad ai mir-e-mardan-e-wilayat

ki gard-e-karwan hai aur main hun

pur-az-harf-o-hikayat sohbat-e-dil

mera ek ham-zaban hai aur main hun

abhi hai hasti-e-mauhum 'shabbir'

abhi sud-o-ziyan hai aur main hun