surKH makan Dhalta jata hai ek barfili miTTi mein
surḳh makāñ Dhaltā jaatā hai ik barfīlī miTTī meñ
aur makīñ bhī dekh rahe haiñ ye tabdīlī miTTī meñ
un galiyoñ ke ramz-o-kināya yuuñ vahshat-āsār hue
meñ to dil hī chhoḌ ke bhāgā is lachkīlī miTTī meñ
ḳhamyāza hai bām-o-dar par jaane kin barsātoñ kā
nam-dīda pul ghuum rahe haiñ har sau siilī miTTī meñ
ik sahrā meñ rone vaale pahle TuuT ke rote haiñ
aur duā.eñ bo aate haiñ phir us giilī miTTī meñ
kal jī bhar kar zahr uñDelā ham ne ḳhvāb kī fasloñ par
har sū niilī ghaas ugī hai ab zahrīlī miTTī meñ
ab shādāb ye hogī jā kar jaane kitne ashkoñ se
jaane kitnā ḳhuun milegā aur is piilī miTTī meñ
surKH makan Dhalta jata hai ek barfili miTTi mein
aur makin bhi dekh rahe hain ye tabdili miTTi mein
un galiyon ke ramz-o-kinaya yun wahshat-asar hue
mein to dil hi chhoD ke bhaga is lachkili miTTi mein
KHamyaza hai baam-o-dar par jaane kin barsaton ka
nam-dida pul ghum rahe hain har sau sili miTTi mein
ek sahra mein rone wale pahle TuT ke rote hain
aur duaen bo aate hain phir us gili miTTi mein
kal ji bhar kar zahr unDela hum ne KHwab ki faslon par
har su nili ghas ugi hai ab zahrili miTTi mein
ab shadab ye hogi ja kar jaane kitne ashkon se
jaane kitna KHun milega aur is pili miTTi mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
