suli pe kitni sadiyon se laTka hua hun main

suulī pe kitnī sadiyoñ se laTkā huā huuñ maiñ

apne lahū kī mauj meñ Duubā huā huuñ maiñ

is tarh us ne mujh ko uchhālā ḳhalāoñ meñ

hastī kī shāhrāh pe bikhrā huā huuñ maiñ

ai vaqt ho sake to kabhī aa ke mujh ko DhūñD

māyūsiyoñ kī dhund meñ khoyā huā huuñ maiñ

ab mujh ko koī aadmī pahchāntā nahīñ

hālāñki apne shahr meñ aayā huā huuñ maiñ

shab-ḳhūñ na maar pā.egī is par tumhārī fauj

is qāfile meñ der se jaagā huā huuñ maiñ

dīvāne aa ke is pe bhī patthar na pheñk deñ

shīshe ke ik makān meñ Thahrā huā huuñ maiñ

sar-chashma-e-nashāt hai 'parvez' ye hayāt

lau ban ke is charāġh se lipTā huā huuñ maiñ

suli pe kitni sadiyon se laTka hua hun main

apne lahu ki mauj mein Duba hua hun main

is tarh us ne mujh ko uchhaala KHalaon mein

hasti ki shahrah pe bikhra hua hun main

ai waqt ho sake to kabhi aa ke mujh ko DhunD

mayusiyon ki dhund mein khoya hua hun main

ab mujh ko koi aadmi pahchanta nahin

haalanki apne shahr mein aaya hua hun main

shab-KHun na mar paegi is par tumhaari fauj

is qafile mein der se jaga hua hun main

diwane aa ke is pe bhi patthar na phenk den

shishe ke ek makan mein Thahra hua hun main

sar-chashma-e-nashat hai 'parwez' ye hayat

lau ban ke is charagh se lipTa hua hun main