suraj sa bhi tara ho zamin si bhi zamin ho
sūraj sā bhī taarā ho zamīñ sī bhī zamīñ ho
mumkin hai falak par koī tum sā bhī hasīñ ho
tardīd-e-jahālat kī sazā maut hai chup huuñ
ab kaun yahāñ khol ke lab munkir-e-dīñ ho
is baat se kāfir ko bhī inkār nahīñ hai
vo shaḳhs payambar hai jo sādiq ho amiiñ ho
suntā huuñ ka.ī dair o kalīsā ke fasāne
ai kaash kisī baat kā mujh ko bhī yaqīñ ho
uḌtā phirūñ gar charḳh pe har rañj se āzād
yārab yahī aalam mujhe firdaus-e-barīñ ho
be-vaj.h bhī dekhā hai pareshāñ tumheñ 'hāmid'
dīvāne bhī lagte nahīñ āshiq bhī nahīñ ho
suraj sa bhi tara ho zamin si bhi zamin ho
mumkin hai falak par koi tum sa bhi hasin ho
tardid-e-jahaalat ki saza maut hai chup hun
ab kaun yahan khol ke lab munkir-e-din ho
is baat se kafir ko bhi inkar nahin hai
wo shaKHs payambar hai jo sadiq ho amin ho
sunta hun kai dair o kalisa ke fasane
ai kash kisi baat ka mujh ko bhi yaqin ho
uDta phirun gar charKH pe har ranj se aazad
yarab yahi aalam mujhe firdaus-e-barin ho
be-wajh bhi dekha hai pareshan tumhein 'hamid'
diwane bhi lagte nahin aashiq bhi nahin ho
- Book : Pakistani Adab (Pg. 421)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
