suraj tanab-e-sham ko thame khaDa rahe
sūraj tanāb-e-shām ko thāme khaḌā rahe
us ke palaT ke aane kā imkān sā rahe
shab bhar dar-e-gumāñ rahe dastak kā muntazir
galiyoñ meñ ik fareb ko āvāz-e-pā rahe
azbar raheñ kisī tarah pichhlī rifāqateñ
sūkhe hue shajar pe bhī ik ghoñsla rahe
maiñ misl-e-bū-e-gul huuñ havāoñ ke saath saath
mahsūs kar sake vo mujhe DhūñDhtā rahe
jaate hue vo naam mire dil pe likh gayā
chhoḌe hue makāñ pe makīñ kā patā rahe
aise guzar rahī hai havādis ke darmiyāñ
kashtī safar pasand ho paanī rukā rahe
bujhte hue charāġh kī lau par hai inhisār
ho ashk bhī na aañkh meñ baaqī to kyā rahe
yuuñ bhī na hoñ 'farah' mire masdūd rāste
us se kabhī kabhī to kahīñ sāmnā rahe
suraj tanab-e-sham ko thame khaDa rahe
us ke palaT ke aane ka imkan sa rahe
shab bhar dar-e-guman rahe dastak ka muntazir
galiyon mein ek fareb ko aawaz-e-pa rahe
azbar rahen kisi tarah pichhli rifaqaten
sukhe hue shajar pe bhi ek ghonsla rahe
main misl-e-bu-e-gul hun hawaon ke sath sath
mahsus kar sake wo mujhe DhunDhta rahe
jate hue wo nam mere dil pe likh gaya
chhoDe hue makan pe makin ka pata rahe
aise guzar rahi hai hawadis ke darmiyan
kashti safar pasand ho pani ruka rahe
bujhte hue charagh ki lau par hai inhisar
ho ashk bhi na aankh mein baqi to kya rahe
yun bhi na hon 'farah' mere masdud raste
us se kabhi kabhi to kahin samna rahe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
