tab-e-nazar ki qaid hai saKHt harim-e-zat mein

tāb-e-nazar kī qaid hai saḳht harīm-e-zāt meñ

dekhūñ kisī ko har ghaḌī bazm-e-tasavvurāt meñ

sahmī huī ajal rahe tere harīm-e-zāt meñ

hosh se kaam le agar kār-gah-hayāt meñ

dars-e-hayāt DhūñD lo apnī hasīñ sifāt meñ

dekho jamāl-e-zindagī zarra-e-kā.enāt meñ

lā.ūñ kahāñ se tāb-e-ġham 'ishq kī kā.enāt meñ

jalve taḌap ke rah ga.e mahfil-e-iltifāt meñ

bazm-e-nashāt dekh kar raqsāñ hai lutf-e-zindagī

ranj-o-alam ḳhajil haiñ kyoñ apne harīm-e-zāt meñ

naaz se kaam lījiye jalvoñ se aap kheliye

ḳhud ko fanā na kījiye dil kī tajalliyāt meñ

lutf-e-sitam na pūchhiye hasrat-e-dil na jāñchiye

zauq-e-junūñ bhī gum huā shauq-e-mushāhidāt meñ

hastī-e-gum-shuda ke saath dard-o-alam kī justujū

jalve ko pech-o-tāb hai husn kī kā.enāt meñ

kahte haiñ jis ko maut sab jāniye us ko zindagī

us meñ chhupī hayāt hai vo hai chhupī hayāt meñ

paikar-e-dard ban ke bhī aayā hai koī bār-bār

mere tasavvurāt meñ mere taḳhayyulāt meñ

un kī nazar kī qaid kyā apnī nazar kī shart kyā

jalva bhī gum rahā magar apnī tajalliyāt meñ

mujh ko 'vafā' se rabt hai tujh ko 'vafā' se ehtirāz

ye hai mirī sarisht meñ vo hai tirī sifāt meñ

tab-e-nazar ki qaid hai saKHt harim-e-zat mein

dekhun kisi ko har ghaDi bazm-e-tasawwuraat mein

sahmi hui ajal rahe tere harim-e-zat mein

hosh se kaam le agar kar-gah-hayat mein

dars-e-hayat DhunD lo apni hasin sifat mein

dekho jamal-e-zindagi zarra-e-kaenat mein

laun kahan se tab-e-gham 'ishq ki kaenat mein

jalwe taDap ke rah gae mahfil-e-iltifat mein

bazm-e-nashat dekh kar raqsan hai lutf-e-zindagi

ranj-o-alam KHajil hain kyon apne harim-e-zat mein

naz se kaam lijiye jalwon se aap kheliye

KHud ko fana na kijiye dil ki tajalliyat mein

lutf-e-sitam na puchhiye hasrat-e-dil na jaanchiye

zauq-e-junun bhi gum hua shauq-e-mushahidat mein

hasti-e-gum-shuda ke sath dard-o-alam ki justuju

jalwe ko pech-o-tab hai husn ki kaenat mein

kahte hain jis ko maut sab jaaniye us ko zindagi

us mein chhupi hayat hai wo hai chhupi hayat mein

paikar-e-dard ban ke bhi aaya hai koi bar-bar

mere tasawwuraat mein mere taKHayyulat mein

un ki nazar ki qaid kya apni nazar ki shart kya

jalwa bhi gum raha magar apni tajalliyat mein

mujh ko 'wafa' se rabt hai tujh ko 'wafa' se ehtiraaz

ye hai meri sarisht mein wo hai teri sifat mein