tabir isko kya hai dhuan dekhta hun main
tābīr is kī kyā hai dhuāñ dekhtā huuñ maiñ
ik dariyā kuchh dinoñ se ravāñ dekhtā huuñ maiñ
ab ke bhī rā.egāñ ga.iiñ sahrā-navardiyāñ
phir terī rahguzar ke nishāñ dekhtā huuñ maiñ
ye sach hai ek jast meñ hai fāsla tamām
lekin udhar bhī shahr-e-gumāñ dekhtā huuñ maiñ
hai raushnī hī raushnī manzar nahīñ koī
sūraj laTak rahe haiñ jahāñ dekhtā huuñ maiñ
aayā jo is hisār meñ niklā na phir kabhī
kuchh Dūbte ubharte makāñ dekhtā huuñ maiñ
khā.egī ab ke baar bhī āshuftagī fareb
said-e-tilism-e-shola-ruḳhāñ dekhtā huuñ maiñ
tabir is ki kya hai dhuan dekhta hun main
ek dariya kuchh dinon se rawan dekhta hun main
ab ke bhi raegan gain sahra-nawardiyan
phir teri rahguzar ke nishan dekhta hun main
ye sach hai ek jast mein hai fasla tamam
lekin udhar bhi shahr-e-guman dekhta hun main
hai raushni hi raushni manzar nahin koi
suraj laTak rahe hain jahan dekhta hun main
aaya jo is hisar mein nikla na phir kabhi
kuchh Dubte ubharte makan dekhta hun main
khaegi ab ke bar bhi aashuftagi fareb
said-e-tilism-e-shola-ruKHan dekhta hun main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
