talluqat to mafruze zindagi ke hain
ta.alluqāt to mafrūze zindagī ke haiñ
yahāñ na koī hai apnā na ham kisī ke haiñ
na ishq hī ke asar haiñ na dushmanī ke haiñ
ki saare zaḳhm mire dil pe dostī ke haiñ
charāġh agarche numā.inde raushnī ke haiñ
magar ye hai ki ye āsār tīrgī ke haiñ
tumhārī tez-ravī degī kyā sivā-e-ġhubār
ki naqsh-e-pā bhī natīje subuk-ravī ke haiñ
shokūk kyā haiñ mire dost āgahī kā bulūġh
yaqīn kyā hai gharauñde kuchh āgahī ke haiñ
'jamīl' apnā suḳhan in pe rā.egāñ na karo
ye maulvī kī suneñge ye maulvī ke haiñ
talluqat to mafruze zindagi ke hain
yahan na koi hai apna na hum kisi ke hain
na ishq hi ke asar hain na dushmani ke hain
ki sare zaKHm mere dil pe dosti ke hain
charagh agarche numainde raushni ke hain
magar ye hai ki ye aasar tirgi ke hain
tumhaari tez-rawi degi kya siwa-e-ghubar
ki naqsh-e-pa bhi natije subuk-rawi ke hain
shokuk kya hain mere dost aagahi ka bulugh
yaqin kya hai gharaunde kuchh aagahi ke hain
'jamil' apna suKHan in pe raegan na karo
ye maulwi ki sunenge ye maulwi ke hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
