taqat-e-zabt-e-fughan itni baDha sakte hain hum

tāqat-e-zabt-e-fuġhāñ itnī baḌhā sakte haiñ ham

intihā-e-yās meñ bhī muskurā sakte haiñ ham

azmat-e-shān-e-mohabbat bhī dikhā sakte haiñ ham

hañste hañste jaan par bhī khel jā sakte haiñ ham

dhajjiyāñ zulm-o-sitam kī bhī uḌā sakte haiñ ham

sabr-o-istiqlāl ke dariyā bahā sakte haiñ ham

bāġhbāñ kyoñ naaz hai apnī bahāroñ par tujhe

āshiyāne meñ bahāreñ apnī lā sakte haiñ ham

sach to ye hai ki ḳhudī meñ zindagī kā raaz hai

apnī qismat apne hāthoñ se banā sakte haiñ ham

jazba-e-josh-e-junūn-e-shauq honā chāhiye

phir surāġh-e-manzil-e-hastī bhī pā sakte haiñ ham

ham ne paa.ī hai mohabbat meñ mujassam zindagī

muskurā kar maut se āñkheñ milā sakte haiñ ham

vāqif-e-ādāb-e-asrār-e-mohabbat hai ye dil

vo to kyā 'mushtāq' duniyā ko jhukā sakte haiñ ham

taqat-e-zabt-e-fughan itni baDha sakte hain hum

intiha-e-yas mein bhi muskura sakte hain hum

azmat-e-shan-e-mohabbat bhi dikha sakte hain hum

hanste hanste jaan par bhi khel ja sakte hain hum

dhajjiyan zulm-o-sitam ki bhi uDa sakte hain hum

sabr-o-istiqlal ke dariya baha sakte hain hum

baghban kyon naz hai apni bahaaron par tujhe

aashiyane mein bahaaren apni la sakte hain hum

sach to ye hai ki KHudi mein zindagi ka raaz hai

apni qismat apne hathon se bana sakte hain hum

jazba-e-josh-e-junun-e-shauq hona chahiye

phir suragh-e-manzil-e-hasti bhi pa sakte hain hum

hum ne pai hai mohabbat mein mujassam zindagi

muskura kar maut se aankhen mila sakte hain hum

waqif-e-adab-e-asrar-e-mohabbat hai ye dil

wo to kya 'mushtaq' duniya ko jhuka sakte hain hum