tara ojhal ho jata hai

taarā ojhal ho jaatā hai

ḳhvāb mukammal ho jaatā hai

laḌkī aatī hai sāhil par

dariyā pāgal ho jaatā hai

rang badan meñ aa jaate haiñ

chehra jal-thal ho jaatā hai

aksar to aadhe hī din meñ

baaġh muqaffal ho jaatā hai

das rātoñ ke chille meñ hī

chāñd mukammal ho jaatā hai

chaudhvīñ shab tak aate aate

laḌkā pāgal ho jaatā hai

niiñd agar haḌtāl kare to

ḳhvāb mo.attal ho jaatā hai

khiḌkī kā vo bhārī parda

hijr meñ malmal ho jaatā hai

ho jaatā hai ishq hameñ bhī

aur musalsal ho jaatā hai

tara ojhal ho jata hai

KHwab mukammal ho jata hai

laDki aati hai sahil par

dariya pagal ho jata hai

rang badan mein aa jate hain

chehra jal-thal ho jata hai

aksar to aadhe hi din mein

bagh muqaffal ho jata hai

das raaton ke chille mein hi

chand mukammal ho jata hai

chaudhwin shab tak aate aate

laDka pagal ho jata hai

nind agar haDtal kare to

KHwab moattal ho jata hai

khiDki ka wo bhaari parda

hijr mein malmal ho jata hai

ho jata hai ishq hamein bhi

aur musalsal ho jata hai