tare ki sans sans mein the ta-sahar jale

taare ki saañs saañs meñ the tā-sahar jale

hāthoñ meñ phuul zer-e-samundar guhar jale

shāyad koī sharar thā ḳhas-e-jism meñ nihāñ

apnī hī intihā meñ hamīñ be-ḳhabar jale

vo mast huuñ ki ḳhvāb-o-ziyāñ kī ḳhabar nahīñ

vo garm-pā ki dasht meñ samt-o-safar jale

vo lau huuñ jo añdhere ke siine kā daaġh hai

vo dam ki ghoñsle meñ parinde ke par jale

vo tund huuñ ki yāroñ meñ talḳhī mujhī se hai

vo soḳhta huuñ ghar meñ rahūñ maiñ to ghar jale

vo ashk huuñ ki jis kī jagah aañkh meñ nahīñ

tapkūñ agar to zer-e-samundar guhar jale

yuuñ kal tire ḳhayāl ne gaDmaD kiyā hameñ

bistar meñ chāñd aur badan baam par jale

tare ki sans sans mein the ta-sahar jale

hathon mein phul zer-e-samundar guhar jale

shayad koi sharar tha KHas-e-jism mein nihan

apni hi intiha mein hamin be-KHabar jale

wo mast hun ki KHwab-o-ziyan ki KHabar nahin

wo garm-pa ki dasht mein samt-o-safar jale

wo lau hun jo andhere ke sine ka dagh hai

wo dam ki ghonsle mein parinde ke par jale

wo tund hun ki yaron mein talKHi mujhi se hai

wo soKHta hun ghar mein rahun main to ghar jale

wo ashk hun ki jis ki jagah aankh mein nahin

tapkun agar to zer-e-samundar guhar jale

yun kal tere KHayal ne gaDmaD kiya hamein

bistar mein chand aur badan baam par jale