tariKH bahs rasm-e-gawahi sameT le

tārīḳh bahs rasm-e-gavāhī sameT le

yā phir tū apnī tīra-nigāhī sameT le

dhartī pe ab sitāroñ kī fasleñ haiñ vajd meñ

ai āsmān apnī siyāhī sameT le

ḳhalq-e-ḳhudā kī aa.heñ sharar-bār ho ga.iiñ

behtar yahī hai ḳhema-e-shāhī sameT le

ghar hai ḳhudā kā soch le ai abraha-shi'ār

aisā na ho ki tujh ko ḳhudā hī sameT le

kyā hogā be-lagām payāde tirā agar

‘ālam-panāh pusht-panāhī sameT le

jo naqsh-e-pā haiñ raah meñ manzil-shanās ke

āñkhoñ meñ un ke 'aks ai raahī sameT le

ā.īna-zād 'aks-e-mujassam na ho sake

‘vāhid-nazīr' chashm-barāhī sameT le

tariKH bahs rasm-e-gawahi sameT le

ya phir tu apni tira-nigahi sameT le

dharti pe ab sitaron ki faslen hain wajd mein

ai aasman apni siyahi sameT le

KHalq-e-KHuda ki aahen sharar-bar ho gain

behtar yahi hai KHema-e-shahi sameT le

ghar hai KHuda ka soch le ai abraha-shi'ar

aisa na ho ki tujh ko KHuda hi sameT le

kya hoga be-lagam payaade tera agar

‘alam-panah pusht-panahi sameT le

jo naqsh-e-pa hain rah mein manzil-shanas ke

aankhon mein un ke 'aks ai rahi sameT le

aaina-zad 'aks-e-mujassam na ho sake

‘wahid-nazir' chashm-barahi sameT le