tab ke kya hasil-e-wafa hoga

tab ke kyā hāsil-e-vafā hogā

ishq jab tālib-e-sazā hogā

maiñ hī shāyad na sun sakā yārab

us ne kuchh to mujhe kahā hogā

ḳhud-parastī ho jis kī fitrat meñ

vo to be-sharm be-hayā hogā

phir mohabbat na karnā chāhoge

merā fasāna gar sunā hogā

ġham mire saath thā hamesha se

ab ke vo bhī zarā ḳhafā hogā

ḳhvāhisheñ aur baḌhtī jā.eñgī

kyā yahī hāsil-e-duā hogā

kis ki aahaT sunā.ī detī hai

zaḳhm shāyad koī nayā hogā

thī usī dam pe thoḌī ra.anā.ī

ab ḳhayāl us kā bhī gayā hogā

kaisā har samt ye añdherā hai

chāñd shāyad bujhā bujhā hogā

kyā kahā zulm us kī fitrat hai

us ko jaane de vo ḳhudā hogā

āñdhiyoñ ko bhī kar rahā raushan

kaisā vo sar-phirā diyā hogā

maut jis ko lage hai dushman sī

har ghaḌī Dar ke vo jiyā hogā

maut kā ḳhauf vo nahīñ rakhtā

ek lamha bhī jo jiyā hogā

apnī hastī miTā sakūñ 'nādim'

is se baḌh kar junūn kyā hogā

tab ke kya hasil-e-wafa hoga

ishq jab talib-e-saza hoga

main hi shayad na sun saka yarab

us ne kuchh to mujhe kaha hoga

KHud-parasti ho jis ki fitrat mein

wo to be-sharm be-haya hoga

phir mohabbat na karna chahoge

mera fasana gar suna hoga

gham mere sath tha hamesha se

ab ke wo bhi zara KHafa hoga

KHwahishen aur baDhti jaengi

kya yahi hasil-e-dua hoga

kis ki aahaT sunai deti hai

zaKHm shayad koi naya hoga

thi usi dam pe thoDi ranai

ab KHayal us ka bhi gaya hoga

kaisa har samt ye andhera hai

chand shayad bujha bujha hoga

kya kaha zulm us ki fitrat hai

us ko jaane de wo KHuda hoga

aandhiyon ko bhi kar raha raushan

kaisa wo sar-phira diya hoga

maut jis ko lage hai dushman si

har ghaDi Dar ke wo jiya hoga

maut ka KHauf wo nahin rakhta

ek lamha bhi jo jiya hoga

apni hasti miTa sakun 'nadim'

is se baDh kar junun kya hoga