tabassum ho ki aansu chashm-e-tar mein

tabassum ho ki aañsū chashm-e-tar meñ

hamīñ ham haiñ zamāne kī nazar meñ

jahāñ vus.at huī fikr-o-nazar meñ

baḌhe kuchh aur aañsū chashm-e-tar meñ

mohabbat ke jahāñ ma.abad bane haiñ

hamārā ḳhuun hai dīvār-o-dar meñ

ġhurūr-e-kārvāñ se koī kah de

bahut maare paḌe haiñ rahguzar meñ

ḳhabar kyā ḳhāna-barbādoñ kī tum ko

ḳhudā.ī hai ḳhudāvandī hai ghar meñ

shab-e-ġham rang laa.ī jaate jaate

lagā dī aag dāmān-e-sahar meñ

jafā ho apnī had par yā vafā ho

bahut kam hai mohabbat kī nazar meñ

ajal aane se pahle kuchh na samjhe

bahut kuchh thā hayāt-e-muḳhtasar meñ

tabassum ho ki aansu chashm-e-tar mein

hamin hum hain zamane ki nazar mein

jahan wusat hui fikr-o-nazar mein

baDhe kuchh aur aansu chashm-e-tar mein

mohabbat ke jahan mabad bane hain

hamara KHun hai diwar-o-dar mein

ghurur-e-karwan se koi kah de

bahut mare paDe hain rahguzar mein

KHabar kya KHana-barbaadon ki tum ko

KHudai hai KHudawandi hai ghar mein

shab-e-gham rang lai jate jate

laga di aag daman-e-sahar mein

jafa ho apni had par ya wafa ho

bahut kam hai mohabbat ki nazar mein

ajal aane se pahle kuchh na samjhe

bahut kuchh tha hayat-e-muKHtasar mein