taDap ai dil ki phir tere taDapne ka maqam aaya

taḌap ai dil ki phir tere taḌapne kā maqām aaya

muqaddar merā ban kar rah ga.ī hai tishnagī merī

na saaqī kī nazar uTThī na mujh tak daur-e-jām aaya

shab-e-furqat junūn-e-ārzū lamhāt-e-tanhā.ī

dil-e-nākām hī in ma.arkoñ meñ mere kaam aaya

huā jis tarah bhī maiñ ne guzārā roz-e-furqat ko

vo aalam kyā kahūñ ai ham-nashīñ jab vaqt-e-shām aaya

mire dil ne diyā dars-e-haqīqat ahl-e-dānish ko

ye dīvāna to thā lekin ḳhirad-mandoñ ke kaam aaya

na jaanā un kī mahfil meñ baḌī tauhīn thī un kī

musalsal un kī jānib se salām aaya payām aaya

taDap ai dil ki phir tere taDapne ka maqam aaya

muqaddar mera ban kar rah gai hai tishnagi meri

na saqi ki nazar uTThi na mujh tak daur-e-jam aaya

shab-e-furqat junun-e-arzu lamhat-e-tanhai

dil-e-nakaam hi in markon mein mere kaam aaya

hua jis tarah bhi main ne guzara roz-e-furqat ko

wo aalam kya kahun ai ham-nashin jab waqt-e-sham aaya

mere dil ne diya dars-e-haqiqat ahl-e-danish ko

ye diwana to tha lekin KHirad-mandon ke kaam aaya

na jaana un ki mahfil mein baDi tauhin thi un ki

musalsal un ki jaanib se salam aaya payam aaya