taDapta hai teri furqat mein koi nim jaan ho kar
taDapta hai teri furqat mein koi nim jaan ho kar
Abbas Ali Khan Bekhud
MORE BYAbbas Ali Khan Bekhud
taḌaptā hai tirī furqat meñ koī niim jaañ ho kar
sitam hai pher lenā aañkh terā mehrbāñ ho kar
zabāñ-go sāmne un ke na thī muñh meñ mire goyā
ḳhamoshī kah rahī thī haal dil merā zabāñ ho kar
maiñ bāvar kar nahīñ saktā but-e-kamsin ke va.adoñ ko
ye haiñ bachpan kī bāteñ bhuul jā.egā javāñ ho kar
nahīñ do-chār tinkoñ se falak ko dushmanī lekin
use zid hai rahe kyoñ ye hamārā āshiyāñ ho kar
maze se ishq ke ġhāfil rahe donoñ ke donoñ hī
vo mashġhūl-e-jafā ho kar maiñ masrūf-e-fuġhāñ ho kar
agar mashq-e-suḳhan terī yūñhī jaarī rahī 'beḳhud'
tū rañg afroz-e-mahfil hogā tū rañgīñ bayāñ hogā
taDapta hai teri furqat mein koi nim jaan ho kar
sitam hai pher lena aankh tera mehrban ho kar
zaban-go samne un ke na thi munh mein mere goya
KHamoshi kah rahi thi haal dil mera zaban ho kar
main bawar kar nahin sakta but-e-kamsin ke wadon ko
ye hain bachpan ki baaten bhul jaega jawan ho kar
nahin do-chaar tinkon se falak ko dushmani lekin
use zid hai rahe kyon ye hamara aashiyan ho kar
maze se ishq ke ghafil rahe donon ke donon hi
wo mashghul-e-jafa ho kar main masruf-e-fughan ho kar
agar mashq-e-suKHan teri yunhi jari rahi 'beKHud'
tu rang afroz-e-mahfil hoga tu rangin bayan hoga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
