taDapta main rahun furqat mein teri dil-nashin kab tak

taḌaptā maiñ rahūñ furqat meñ terī dil-nashīñ kab tak

mirī āñkheñ na dekheñgī tirā chehra hasīñ kab tak

ye dil aur jaan bhī qurbān tujh par kar diyā maiñ ne

rahegī tere bin suunī mire dil kī zamīñ kab tak

chalā aa ab na mujh ko aise taḌpā ai mire hamdam

guzārūñ zindagī tanhā tire bin ab yahīñ kab tak

sabhī uljhe paḌe haiñ ḳhud hī apne sab savāloñ meñ

jahāñ ke aib hī dekhā kareñge nukta-chīñ kab tak

lagā.e aas baiThā hai tū kab se raah meñ us kī

batā de aa.egī vo 'faiz' terī mah-jabīñ kab tak

taDapta main rahun furqat mein teri dil-nashin kab tak

meri aankhen na dekhengi tera chehra hasin kab tak

ye dil aur jaan bhi qurban tujh par kar diya main ne

rahegi tere bin suni mere dil ki zamin kab tak

chala aa ab na mujh ko aise taDpa ai mere hamdam

guzarun zindagi tanha tere bin ab yahin kab tak

sabhi uljhe paDe hain KHud hi apne sab sawalon mein

jahan ke aib hi dekha karenge nukta-chin kab tak

lagae aas baiTha hai tu kab se rah mein us ki

bata de aaegi wo 'faiz' teri mah-jabin kab tak