taDapte rahte hain pani ke dhaare apni jagah

taḌapte rahte haiñ paanī ke dhāre apnī jagah

jame hue haiñ nadī ke kināre apnī jagah

nigār-e-shab kī subuk-gāmiyoñ pe marte hue

ragoñ meñ dauḌ rahe haiñ sharāre apnī jagah

shuā-e-mahr bujhāne meñ ho ga.ī nākām

chamak rahe haiñ falak par sitāre apnī jagah

kahāñ vo aañch jo us ke ḳhayāl se nikle

vo husn apnī jagah ye nazāre apnī jagah

badan sameT ke dekhā jo us ne merī taraf

simaT ke rah ga.e sab isti.āre apnī jagah

aham haiñ ḳhāma-e-dil kī nigārisheñ lekin

nigāh-e-yār ke 'yāvar' shumāre apnī jagah

taDapte rahte hain pani ke dhaare apni jagah

jame hue hain nadi ke kinare apni jagah

nigar-e-shab ki subuk-gamiyon pe marte hue

ragon mein dauD rahe hain sharare apni jagah

shua-e-mahr bujhane mein ho gai nakaam

chamak rahe hain falak par sitare apni jagah

kahan wo aanch jo us ke KHayal se nikle

wo husn apni jagah ye nazare apni jagah

badan sameT ke dekha jo us ne meri taraf

simaT ke rah gae sab istiare apni jagah

aham hain KHama-e-dil ki nigarishen lekin

nigah-e-yar ke 'yawar' shumare apni jagah