tahi-daman barahna-pa rawana ho gaya hun
tahī-dāman barahna-pā ravāna ho gayā huuñ
tabāhī chal tire shāna-ba-shāna ho gayā huuñ
tirī raftār par qurbān jā.ūñ ai taraqqī
maiñ apne 'ahd meñ guzrā zamāna ho gayā huuñ
mere atrāf rahtā hai hujūm-e-nā-murādī
jabīn-e-nā-rasā meñ āstāna ho gayā huuñ
havā kī taan par gaate haiñ mujh ko ḳhushk patte
maiñ har TuuTe hue dil kā tarāna ho gayā huuñ
mirī miTTī meñ ab merī haqīqat DhūñDhtī hai
maiñ duniyā ke liye jab se fasāna ho gayā huuñ
mirā bhī tazkira hone lagā dānishvaroñ meñ
to kyā phir maiñ bhī 'āzim' kuchh divāna ho gayā huuñ
tahi-daman barahna-pa rawana ho gaya hun
tabahi chal tere shana-ba-shana ho gaya hun
teri raftar par qurban jaun ai taraqqi
main apne 'ahd mein guzra zamana ho gaya hun
mere atraf rahta hai hujum-e-na-muradi
jabin-e-na-rasa mein aastana ho gaya hun
hawa ki tan par gate hain mujh ko KHushk patte
main har TuTe hue dil ka tarana ho gaya hun
meri miTTi mein ab meri haqiqat DhunDhti hai
main duniya ke liye jab se fasana ho gaya hun
mera bhi tazkira hone laga danishwaron mein
to kya phir main bhi 'azim' kuchh diwana ho gaya hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
