tajdid-e-ahd kar kisi simin badan ke sath

tajdīd-e-ahd kar kisī sīmīñ badan ke saath

ya.anī luTā shabāb sharāb-e-kuhan ke saath

vābasta-e-bahār ho ḳhud misl-e-rañg-o-bū

yuuñ zindagī guzār kisī gul-e-badan ke saath

haañ ai muġhanniya koī maddham sā raag chheḌ

ya.anī milā rabāb dil-e-pur-mehan ke saath

saaqī pilā sharāb zakāt-e-shabāb de

haañ phir koī mazāq dil-e-pur-mehan ke saath

dil chāhtā hai phir koī bahkā huā sā tiir

phir khīñch le kamān usī bāñkpan ke saath

zāhid ye talḳh guftugū ye sun hazār haif

zālim guzār dī kisī shīrīñ-dahan ke saath

turfa sitam haiñ charḳh kī ye āzmā.isheñ

vo bhī sharīk-e-ġham haiñ dil-e-pur-mehan ke saath

mahrūm-e-iltifāt nahīñ chheḌ hai murād

dil ko bhī laag hai nigah-e-pur-fatan ke saath

'tālib' mujhī se pūchhnā 'tālib' tū kaun hai

hañs denā phir kisī kā ajab bhole-pan ke saath

tajdid-e-ahd kar kisi simin badan ke sath

yani luTa shabab sharab-e-kuhan ke sath

wabasta-e-bahaar ho KHud misl-e-rang-o-bu

yun zindagi guzar kisi gul-e-badan ke sath

han ai mughanniya koi maddham sa rag chheD

yani mila rabab dil-e-pur-mehan ke sath

saqi pila sharab zakat-e-shabab de

han phir koi mazaq dil-e-pur-mehan ke sath

dil chahta hai phir koi bahka hua sa tir

phir khinch le kaman usi bankpan ke sath

zahid ye talKH guftugu ye sun hazar haif

zalim guzar di kisi shirin-dahan ke sath

turfa sitam hain charKH ki ye aazmaishen

wo bhi sharik-e-gham hain dil-e-pur-mehan ke sath

mahrum-e-iltifat nahin chheD hai murad

dil ko bhi lag hai nigah-e-pur-fatan ke sath

'talib' mujhi se puchhna 'talib' tu kaun hai

hans dena phir kisi ka ajab bhole-pan ke sath