tajdid-e-ltifat ka imkan nahin raha

tajdīd-e-ltifāt kā imkāñ nahīñ rahā

aish-o-nishāt ziist kā sāmāñ nahīñ rahā

ik ek kar ke dil ke sab armān miT ga.e

sad shukr dil meñ ab koī armāñ nahīñ rahā

fasl-e-bahār aa ke bhī kyā gul khilā.egī

vo gul nahīñ rahe vo gulistāñ nahīñ rahā

dene lagī hai maut mire dar pe dastakeñ

ab zindagī kā mujh pe kuchh ehsāñ nahīñ rahā

hindū bhī apne dharm ke raste se haT ga.e

īmāñ-parast koī musalmāñ nahīñ rahā

detā thā jo hayāt-e-vafā ko tasalliyāñ

vo ġham bhī zindagī kā nigahbāñ nahīñ rahā

jiine kā valvala hai na khaTkā hai maut kā

ab imtiyāz-e-sāhil-o-tūfāñ nahīñ rahā

aisā hai kaun jis ko hamesha ḳhushī milī

aisā bhī koī hai jo pareshāñ nahīñ rahā

'gauhar' ye iztirāb-e-shab-o-roz hai fuzūl

kyā e.atibār-e-rahmat-e-yazdāñ nahīñ rahā

tajdid-e-ltifat ka imkan nahin raha

aish-o-nishat zist ka saman nahin raha

ek ek kar ke dil ke sab arman miT gae

sad shukr dil mein ab koi arman nahin raha

fasl-e-bahaar aa ke bhi kya gul khilaegi

wo gul nahin rahe wo gulistan nahin raha

dene lagi hai maut mere dar pe dastaken

ab zindagi ka mujh pe kuchh ehsan nahin raha

hindu bhi apne dharm ke raste se haT gae

iman-parast koi musalman nahin raha

deta tha jo hayat-e-wafa ko tasalliyan

wo gham bhi zindagi ka nigahban nahin raha

jine ka walwala hai na khaTka hai maut ka

ab imtiyaz-e-sahil-o-tufan nahin raha

aisa hai kaun jis ko hamesha KHushi mili

aisa bhi koi hai jo pareshan nahin raha

'gauhar' ye iztirab-e-shab-o-roz hai fuzul

kya eatibar-e-rahmat-e-yazdan nahin raha