tajribe-kar the hum zehn mein jada rakkha

tajribe-kār the ham zehn meñ jaada rakkhā

zer-e-pā apne havādis ko mubādā rakkhā

ye batā tark-e-ta'alluq kā gunahgār hai kaun

maiñ ne sochā bhī nahīñ tū ne irāda rakkhā

maslahat-pesha har ik shaḳhs magar merī tarah

zehn ko apne yahāñ kis ne kushāda rakkhā

us ne faa.ez kiye āqāoñ ke mansab pe ġhulām

aur ḳhud jism pe bosīda labāda rakkhā

shaah ko 'ilm thā vo shaah bhī ban saktā hai

is liye fauj meñ sirf us ko piyāda rakkhā

mujh ko ye 'ilm thā vo dost-numā dushman hai

is liye maiñ ne use yaad ziyāda rakkhā

us kī yādoñ kī amānat hai mirā dil 'anvar'

ye varaq vo hai hamesha jise saada rakkhā

tajribe-kar the hum zehn mein jada rakkha

zer-e-pa apne hawadis ko mubaada rakkha

ye bata tark-e-ta'alluq ka gunahgar hai kaun

main ne socha bhi nahin tu ne irada rakkha

maslahat-pesha har ek shaKHs magar meri tarah

zehn ko apne yahan kis ne kushada rakkha

us ne faez kiye aaqaon ke mansab pe ghulam

aur KHud jism pe bosida labaada rakkha

shah ko 'ilm tha wo shah bhi ban sakta hai

is liye fauj mein sirf us ko piyaada rakkha

mujh ko ye 'ilm tha wo dost-numa dushman hai

is liye main ne use yaad ziyaada rakkha

us ki yaadon ki amanat hai mera dil 'anwar'

ye waraq wo hai hamesha jise sada rakkha