talash karti hai usko nazar kai din se

talāsh kartī hai us ko nazar ka.ī din se

akelā kaaT rahā huuñ safar ka.ī din se

na jaane kaun sī majbūriyoñ meñ qaid haiñ vo

parinde lauT ke aa.e na ghar ka.ī din se

mire ḳhudā ye kahīñ aarzū kī maut na ho

maiñ us ke haal se huuñ be-ḳhabar ka.ī din se

'ajīb rut hai añdhere base haiñ āñkhoñ meñ

hamāre ḳhvāb haiñ vahshat-asar ka.ī din se

amīr-e-shahr ko bhī sūliyāñ sajānī haiñ

mujhe bhī bojh sā lagtā hai sar ka.ī din se

kabhī 'nadīm' jahāñ raushnī utartī thī

udaas lagte haiñ vo bām-o-dar ka.ī din se

talash karti hai us ko nazar kai din se

akela kaT raha hun safar kai din se

na jaane kaun si majburiyon mein qaid hain wo

parinde lauT ke aae na ghar kai din se

mere KHuda ye kahin aarzu ki maut na ho

main us ke haal se hun be-KHabar kai din se

'ajib rut hai andhere base hain aankhon mein

hamare KHwab hain wahshat-asar kai din se

amir-e-shahr ko bhi suliyan sajaani hain

mujhe bhi bojh sa lagta hai sar kai din se

kabhi 'nadim' jahan raushni utarti thi

udas lagte hain wo baam-o-dar kai din se