talash-o-fikr mein nazron ki hairani nahin jati

talāsh-o-fikr meñ nazroñ kī hairānī nahīñ jaatī

jo manzil se guzartā huuñ vo pahchānī nahīñ jaatī

ajab dastūr-e-ālam hai ajab insāf-e-duniyā hai

salīb-o-dār par haq baat bhī maanī nahīñ jaatī

zamāne kī sadā.eñ aap to pahchān lete haiñ

mire hī dard kī āvāz pahchānī nahīñ jaatī

matā-e-zindagī luT jā.egī ma.alūm hai lekin

havas vāloñ kī hirs-e-daulat-e-fānī nahīñ jaatī

hue qasr-o-mahal ta.amīr jin ke dam se duniyā meñ

unhīñ kī aaj dekho ḳhāna-vīrānī nahīñ jaatī

zarūrī hai koī hal DhūñDhnā tadbīr se is kā

pareshānī ke kahne se pareshānī nahīñ jaatī

'nazar' ḳhud-e'timādī ik dalīl-e-kāmyābī hai

kabhī ḳhālī kisī kī sa.ī-e-imkānī nahīñ jaatī

talash-o-fikr mein nazron ki hairani nahin jati

jo manzil se guzarta hun wo pahchani nahin jati

ajab dastur-e-alam hai ajab insaf-e-duniya hai

salib-o-dar par haq baat bhi mani nahin jati

zamane ki sadaen aap to pahchan lete hain

mere hi dard ki aawaz pahchani nahin jati

mata-e-zindagi luT jaegi malum hai lekin

hawas walon ki hirs-e-daulat-e-fani nahin jati

hue qasr-o-mahal tamir jin ke dam se duniya mein

unhin ki aaj dekho KHana-virani nahin jati

zaruri hai koi hal DhunDhna tadbir se is ka

pareshani ke kahne se pareshani nahin jati

'nazar' KHud-e'timadi ek dalil-e-kaamyabi hai

kabhi KHali kisi ki sai-e-imkani nahin jati