talKHi-e-nau shakar-amez hui jati hai
talḳhī-e-nau shakar-āmez huī jaatī hai
zindagī aur dil-āvez huī jaatī hai
kis ne lafzoñ pe ye chupke se kamandeñ pheñkīñ
jo zabāñ hai vo kam-āmez huī jaatī hai
dast-e-qātil meñ nazar aatī hai ik shāḳh-e-gulāb
zindagī phir bhī to ḳhūñ-rez huī jaatī hai
mahmil-e-vaqt meñ raushan haiñ farāsat ke charāġh
phir bhī auhām kī lau tez huī jaatī hai
jab se gulfām-nigārish hue ġhālib ke ḳhutūt
shāḳh-e-tahrīr bhī gul-rez huī jaatī hai
tishnagī ban ke chhalak jaa.eñ na alfāz kahīñ
guftugū hoñToñ pe labrez huī jaatī hai
ab dhuñdlakoñ ke sahāre haiñ ġhanīmat 'mutrib'
raushnī fitrat-e-chañgez huī jaatī hai
talKHi-e-nau shakar-amez hui jati hai
zindagi aur dil-awez hui jati hai
kis ne lafzon pe ye chupke se kamanden phenkin
jo zaban hai wo kam-amez hui jati hai
dast-e-qatil mein nazar aati hai ek shaKH-e-gulab
zindagi phir bhi to KHun-rez hui jati hai
mahmil-e-waqt mein raushan hain farasat ke charagh
phir bhi auham ki lau tez hui jati hai
jab se gulfam-nigarish hue ghaalib ke KHutut
shaKH-e-tahrir bhi gul-rez hui jati hai
tishnagi ban ke chhalak jaen na alfaz kahin
guftugu honTon pe labrez hui jati hai
ab dhundlakon ke sahaare hain ghanimat 'mutrib'
raushni fitrat-e-changez hui jati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
