talKHi hui to lab pe tarawaT nahin rahi

talḳhī huī to lab pe tarāvaT nahīñ rahī

chehre pe bhole-pan kī banāvaT nahīñ rahī

jab 'āshiqī kā baaġh ye vīrān ho gayā

to dar pe pahle jaisī sajāvaT nahīñ rahī

mazmūn jab se aap ke ḳhat kā badal gayā

vaisī hasīn tab se likhāvaT nahīñ rahī

khiḌkī ke apnī us ne bhī parde girā liye

merī bhī rāste kī rukāvaT nahīñ rahī

zīnat na.e makān kī jab se vo ban ga.e

qīmat meñ un kī tab se girāvaT nahīñ rahī

hālāt zindagī meñ mire aise ho ga.e

jis meñ mile usī se milāvaT nahīñ rahī

jab tak thā narm sirf sabhī toḌte rahe

patthar huā ye dil to ghisāvaT nahīñ rahī

majbūriyoñ se haath milāte 'abhay' rahe

thaknā alag hai baat thakāvaT nahīñ rahī

talKHi hui to lab pe tarawaT nahin rahi

chehre pe bhole-pan ki banawaT nahin rahi

jab 'ashiqi ka bagh ye viran ho gaya

to dar pe pahle jaisi sajawaT nahin rahi

mazmun jab se aap ke KHat ka badal gaya

waisi hasin tab se likhawaT nahin rahi

khiDki ke apni us ne bhi parde gira liye

meri bhi raste ki rukawaT nahin rahi

zinat nae makan ki jab se wo ban gae

qimat mein un ki tab se girawaT nahin rahi

haalat zindagi mein mere aise ho gae

jis mein mile usi se milawaT nahin rahi

jab tak tha narm sirf sabhi toDte rahe

patthar hua ye dil to ghisawaT nahin rahi

majburiyon se hath milate 'abhay' rahe

thakna alag hai baat thakawaT nahin rahi