tamam din mujhe kaif-e-sharab rahta hai

tamām din mujhe kaif-e-sharāb rahtā hai

buland chār-pahar āftāb rahtā hai

khulā ye va.ada-e-fardā ai hashr se ham ko

kahīñ bhī husn miyān-e-naqāb rahtā hai

tire gale ko kahūñ kis tarah bahisht ai huur

yahāñ to jaan pe har dam azaab rahtā hai

vo āshiqoñ ko barābar kahāñ samajhte haiñ

kisī pe lutf kisī par itaab rahtā hai

tirī talāsh meñ jo koī sarī'us-sair

kab ek jā sifat-e-māhtāb rahtā hai

ġhurūr badr ko kyā ho kamāl par apne

jahāñ meñ kis kā hamesha shabāb rahtā hai

mirī taraf se vo karvaT badal sake sote meñ

visāl meñ bhī mujhe iztirāb rahtā hai

ġhash aate haiñ mujhe paiham firāq saaqī meñ

evaz sharāb ke ḳhum meñ gulāb rahtā hai

zamāna-e-vasl to furqat bhī koī dam kī hai

har ek shai ko yahāñ inqalāb rahtā hai

tumhārī āriz-e-rañgīñ ko jab se dekhā hai

chaman meñ zard gul-e-āftāb rahtā hai

vo bahr-e-husn hai jaise kināra-kash ham se

dam apnī āñkhoñ meñ shakl-e-habāb rahtā hai

mirā shabāb kā piirī meñ bhuul jaatā hai

sahar ko yaad bhalā kab ye ḳhvāb rahtā hai

hosh jis ke hī dair-o-haram meñ logoñ ko

hamāre dil meñ vo ḳhāna-ḳharāb rahtā hai

visāl meñ ho maza kyoñ na bāda-ḳhvārī kā

hameñ lihāz na un ko hijāb rahtā hai

ye daur-e-bāda hai imsāl bazm-e-ālam meñ

ki dast-e-'kaif' meñ jām-e-sharāb rahtā hai

tamam din mujhe kaif-e-sharab rahta hai

buland chaar-pahar aaftab rahta hai

khula ye wada-e-farda ai hashr se hum ko

kahin bhi husn miyan-e-naqab rahta hai

tere gale ko kahun kis tarah bahisht ai hur

yahan to jaan pe har dam azab rahta hai

wo aashiqon ko barabar kahan samajhte hain

kisi pe lutf kisi par itab rahta hai

teri talash mein jo koi sari'us-sair

kab ek ja sifat-e-mahtab rahta hai

ghurur badr ko kya ho kamal par apne

jahan mein kis ka hamesha shabab rahta hai

meri taraf se wo karwaT badal sake sote mein

visal mein bhi mujhe iztirab rahta hai

ghash aate hain mujhe paiham firaq saqi mein

ewaz sharab ke KHum mein gulab rahta hai

zamana-e-wasl to furqat bhi koi dam ki hai

har ek shai ko yahan inqalab rahta hai

tumhaari aariz-e-rangin ko jab se dekha hai

chaman mein zard gul-e-aftab rahta hai

wo bahr-e-husn hai jaise kinara-kash hum se

dam apni aankhon mein shakl-e-habab rahta hai

mera shabab ka piri mein bhul jata hai

sahar ko yaad bhala kab ye KHwab rahta hai

hosh jis ke hi dair-o-haram mein logon ko

hamare dil mein wo KHana-KHarab rahta hai

visal mein ho maza kyon na baada-KHwari ka

hamein lihaz na un ko hijab rahta hai

ye daur-e-baada hai imsal bazm-e-alam mein

ki dast-e-'kaif' mein jam-e-sharab rahta hai