tamam dost to aae the wapsi ke liye

tamām dost to aa.e the vāpsī ke liye

maiñ aur bulb haiñ āḳhir meñ raushnī ke liye

jise maiñ jītne kī baat kar rahā huuñ dost

vo khel hai hī nahīñ aam aadmī ke liye

kisī ke ghar kā agar shams Duub jaatā hai

charāġh jalte haiñ us ghar ke raushnī ke liye

ye pahlī raat hai maiñ is qadar huā huuñ ġharīb

nahīñ hai mujh pe koī vaj.h ḳhud-kushī ke liye

vo mere paas thī itne ki saañs lagtī thī

nadī ke paas maiñ taḌpā huuñ tishnagī ke liye

tumheñ to achchhe-bure vaqt kī paḌī hai yahāñ

taras ga.e haiñ ka.ī log ik ghaḌī ke liye

kisī kisī pe ye vahshat savār hotī hai

ki mere sher nahīñ hote har kisī ke liye

tamam dost to aae the wapsi ke liye

main aur bulb hain aaKHir mein raushni ke liye

jise main jitne ki baat kar raha hun dost

wo khel hai hi nahin aam aadmi ke liye

kisi ke ghar ka agar shams Dub jata hai

charagh jalte hain us ghar ke raushni ke liye

ye pahli raat hai main is qadar hua hun gharib

nahin hai mujh pe koi wajh KHud-kushi ke liye

wo mere pas thi itne ki sans lagti thi

nadi ke pas main taDpa hun tishnagi ke liye

tumhein to achchhe-bure waqt ki paDi hai yahan

taras gae hain kai log ek ghaDi ke liye

kisi kisi pe ye wahshat sawar hoti hai

ki mere sher nahin hote har kisi ke liye