tamam jism hi ghayal tha par nishan na tha

tamām jism hī ghāyal thā par nishān na thā

gavāh sab the magar haq meñ ik bayān na thā

yahī sunā hai mahalle ke sab buzurgoñ se

lagān khet kā thā nasl par lagān na thā

samajh lo paañv meñ bīnā.ī rakh ke dekhā hai

pahāḌī raah thī lekin kahīñ Dhalān na thā

kahā thā jab kī hamārī uḌaan ūñchī hai

nahīñ pata kī yaqīñ kitnā par gumān na thā

tire surūr meñ uTh kar nikal ga.e ghar se

magar ḳhumār saḌak par thā mujh ko dhyān na thā

tumhāre 'ishq ne goyā.ī ko nikhārā hai

ġhazal-sarā.ī thī lekin maiñ ḳhush-zabān na thā

tamam jism hi ghayal tha par nishan na tha

gawah sab the magar haq mein ek bayan na tha

yahi suna hai mahalle ke sab buzurgon se

lagan khet ka tha nasl par lagan na tha

samajh lo panw mein binai rakh ke dekha hai

pahaDi rah thi lekin kahin Dhalan na tha

kaha tha jab ki hamari uDan unchi hai

nahin pata ki yaqin kitna par guman na tha

tere surur mein uTh kar nikal gae ghar se

magar KHumar saDak par tha mujh ko dhyan na tha

tumhaare 'ishq ne goyai ko nikhaara hai

ghazal-sarai thi lekin main KHush-zaban na tha