tamam marhala-e-fard-o-zat hona hai

tamām marhala-e-fard-o-zāt honā hai

salīb chaḌhne se pahle salīb Dhonā hai

hazār baar yazīdoñ se sāmnā hogā

hazār baar mujhe yuuñ hī qatl honā hai

abhī vo dāġh-e-garebāñ pe tabsira na kare

abhī to ḳhud use sābun se haath dhonā hai

sulagtī aag ke jañgal kā ik shajar huuñ maiñ

mirā vajūd yaqīnan sarāb honā hai

hamāre log asīrān-e-sho.abada-bāzī

hamāre shahr meñ dānish-varī kā ronā hai

ye jins-e-jāñ ki abhī rā.egāñ nahīñ 'mohsin'

kured paao to miTTī tamām sonā hai

tamam marhala-e-fard-o-zat hona hai

salib chaDhne se pahle salib Dhona hai

hazar bar yazidon se samna hoga

hazar bar mujhe yun hi qatl hona hai

abhi wo dagh-e-gareban pe tabsira na kare

abhi to KHud use sabun se hath dhona hai

sulagti aag ke jangal ka ek shajar hun main

mera wajud yaqinan sarab hona hai

hamare log asiran-e-shoabada-bazi

hamare shahr mein danish-wari ka rona hai

ye jins-e-jaan ki abhi raegan nahin 'mohsin'

kured pao to miTTi tamam sona hai